🔎 Tuman Kengashi huzuridagi Ekspert guruhi mas’ul kotibi P. Rahmonov profnastil ishlab chiqarishga ixtisoslashgan “Tex Metrof” MChJ faoliyati bilan tanishdi.

🏭 Korxonada ayni vaqtda 30 nafar fuqaro doimiy ish bilan ta’minlangan bo‘lib, o‘rganish davomida ishlab chiqarish jarayoni, mahsulot ishlab chiqarish hajmi hamda aholiga yetkazib berish ishlari ko‘zdan kechirildi.

📋 Korxona rahbari G‘ulomjon Bakiyevning ma’lumotiga ko‘ra, jamiyat tomonidan har oyda aholiga o‘rtacha 100 million so‘m atrofida mahsulot yetkazib berilmoqda.

Shuningdek, yuridik shaxslarning buyurtmalari asosida shartnoma asosida Samarqand va Xitoyda ishlab chiqarilgan xomashyolardan profnastil mahsulotlari tayyorlanib, buyurtmachilarga yetkazib berilmoqda.

🏛 Mahalliy ishlab chiqarishni rivojlantirish, yangi ish o‘rinlarini yaratish va tadbirkorlik subyektlari faoliyatini qo‘llab-quvvatlash masalalari deputatlik nazoratida.