Xalq deputatlari Surxondaryo viloyati Kengashi deputati A.Oripov hamda Xalq deputatlari Oltinsoy tumani Kengashining 17-“Shakarqamish” saylov okrugi deputati Tavasharov Xamro Ziyayevich ishtirokida “Shakarqamish” mahallasida o‘rganish va muloqot tadbirlari olib borildi.

O‘rganishlar davomida mahalla hududini “Yangi O‘zbekiston qiyofasi”ga mos ravishda obodonlashtirish, ko‘chalar va jamoat hamda xizmat ko‘rsatish obyektlarining tashqi ko‘rinishini yaxshilash, qurilish va ta’mirlash ishlarini tartibga keltirish, shuningdek, aholi uchun munosib yashash sharoitlarini yaratish va kambag‘allikni qisqartirish masalalariga alohida e’tibor qaratildi.

Xizmat ko‘rsatish va tadbirkorlik shoxobchalarida: Deputatlar mahalladagi mavjud maishiy xizmat va savdo shoxobchalari, tadbirkorlar va mahalla faollari bilan suhbatlashib, bino va inshootlarning tashqi ko‘rinishi hamda atrofini tartibga keltirish bo‘yicha tavsiyalar berishdi.

Xonadonlar va aholi bilan muloqot: Mahalladagi xonadonlarga va aholi yashash joylariga bevosita kirilib, aholini kambag‘allikdan chiqarish, ularning turmush tarzini yaxshilash, xonadon atroflarini obodonlashtirish va bandlikni ta’minlash yuzasidan yuzma-yuz suhbatlar o‘tkazildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz