Oltinsoy tumanida mahalla yettiligi faoliyatini yanada samarali tashkil etish, belgilangan vazifalarni manzilli va tizimli amalga oshirish masalalariga bag‘ishlangan seminar o‘tkazildi.

Unda tuman hokimi, Xalq deputatlari tuman Kengash deputati Otabek Mavlyanov, viloyat Oila va xotin-qizlar boshqarmasi boshlig‘i Zulxumor Xidirova, Xalq deputatlari Surxondaryo viloyati Kengashi deputati A.Oripov, Xalq deputatlari tuman Kengashi 10-"Yangiqurilish" saylov okrugidan saylangan deputat Mustafaqulov Murodilla Bohodirovich, Xalq deputatlari tuman Kengash deputati Xudayberdiyev Umidullo Boqiyevich, shuningdek, tumandagi jamoatchilik vakillari hamda mas’ullar ishtirok etdi.

Seminarda Prezident raisligida o‘tkazilgan videoselektor yig‘ilishidan kelib chiqadigan vazifalar, mahalla yettiligi oldiga qo‘yilgan yangi talablar va ularning ijrosini samarali tashkil etish bo‘yicha batafsil tushunchalar berildi.

🎯 Asosiy e’tibor — har bir mahallada muammolarni aniqlash, fuqarolar bilan manzilli ishlash, kambag‘allikni qisqartirish, bandlikni ta’minlash va oilalarni qo‘llab-quvvatlash orqali amaliy natijaga erishish masalalariga qaratildi.

Rahbarlar nazoratida — vazifalar aniq, ijro va natija muhim!

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz