Xalıq deputatları Qaraózek rayonı Keńesi Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyasınıń gezektegi májilisi bolıp ótti.
Májiliske  turaqlı komissiya aǵzaları, komissiya janındaǵı ekspert aǵzaları hám tiyisli mákeme shólkem wákilleri qatnastı. Qaraózek rayonı abadanlastırıw basqarmasınıń oraylıq kósheler boyında jaylasqan isbilermenlik subyektleri menen dúzilgen shártnamalar tiykarında shıǵındılardı alıp shıǵıw hám aymaqlardı abadanlastırıw xızmetleri ushın tariflerdi tastıyıqlaw boyınsha rayon hákimniń qurılıs, tosıqlarsız ortalıq jaratıw, kommunikaciyalar, kommunallıq xojalıq, ekologiya hám kókelemzarlastırıw máseleleri boyınsha orınbasarı - Abadanlastırıw basqarması baslıǵı G.Ametovtıń xızmetler ushın tarifler joybarın belgilew boyınsha usınısı dodalanıldı hám  gezektegi sessiya kún tártibine kiritiw belgilenip alındı. Turaqlı komissiya májilisinde Qaraózek rayonı hákiminiń orınbasarı – investiciyalar, sanaat hám sawda bólimi baslıǵı A.Erejepovtıń Qaraózek rayonı investiciyalar, sanaat hám sawda bólimi tárepinen 2026-jıl altı ayı dawamında ámelge asırılǵan jumıslar haqqında esabatı dodalanıldı. Qaraózek rayonı ekonomika hám qarjı bólimi baslıǵı orınbasarı S.Jiyemuratov sózge shıǵıp 2026-jıldıń 15-iyul hám 31-avgust “Ashıq byudjet” joybarınıń 2-máwsiminde puqaralar tárepinen berilgen usınıslarda eń kóp dawıs toplap, jeńimpaz dep tabılǵan 6 joybardı qarjılandırıw boyınsha toqtalıp ótti. Turaqlı komissiya aǵzaları tárepinen gezektegi sessiya kún tártibine kiritiw belgilenip alındı. Qaraózek rayonı ekonomika hám qarjı bólimi baslıǵı orınbasarı S.Jiyemuratov 2026-jıldıń birinshi hám ekinshi sheregi halatına rayon byudjetiniń erkin qaldıq esabınan qarjılardıń bólistiriliwi  haqqında usınısın tanıstırıp ótti hám gezektegi sessiya kún tártibine kiritiw belgilenip alındı.