🏛 Kengash — aholi bilan birga!

Xalq deputatlari Sherobod tumani Kengashi raisi  O. Tursunov “Boyqishloq” mahallasi faollari bilan uchrashib, mahalladagi mavjud ijtimoiy masalalar bilan yaqindan tanishdi. 🤝

👥 Uchrashuv davomida mahalladagi ijtimoiy xodim hamda mahalla yettiligi a’zolari bilan suhbatlashilib, aholini qiynayotgan muammolar, ularni hal etish bo‘yicha amalga oshirilishi lozim bo‘lgan ishlar muhokama qilindi.

💼 Jumladan, aholi bandligini ta’minlash, tadbirkorlikni rivojlantirish, yangi daromad manbalarini yaratish hamda aholi tomorqalaridan unumli foydalanish masalalariga alohida e’tibor qaratildi.

💬 Shuningdek, “Boyqishloq” mahallasida istiqomat qiluvchi Norquvvatov Otabekning bolalar nafaqasi bo‘yicha murojaati tinglanib, mazkur masalani belgilangan tartibda hal etish yuzasidan fikr almashildi.
🌱 Suhbat davomida mahallani obodonlashtirish, mavjud ijtimoiy va infratuzilma muammolarini aniqlash va bartaraf etish, ko‘makka muhtoj hamda kam ta’minlangan oilalarni ijtimoiy himoya qilish masalalari ham muhokama qilindi.
🤝 Aholi bilan ochiq muloqot qilish, muammolarni joyida o‘rganish va ularning amaliy yechimini topish — Kengash faoliyatining muhim yo‘nalishlaridan biridir.
✨ Har bir murojaat — e’tiborda, har bir muammo — amaliy yechim izlash jarayonida!

Xalq deputatlari Sherobod tumani Kengashi kotibiyati matbuot xizmati.