Ёшлар спорти: имконият ва шароитлар янада кенгайтирилади
Янгиқўрғон туманида ёшларни спортга кенг жалб этиш, уларнинг бўш вақтини мазмунли ташкил қилиш ҳамда иқтидорини ривожлантиришга алоҳида эътибор қаратилмоқда.
Туман ҳокими, Халқ депутатлари Янгиқўрғон тумани Кенгаши депутати А.Нажмиддинов «Машъал» маҳалласида жойлашган Наманган «Ёш гвардиячилар» болалар-ўсмирлар спорт мактаби фаолияти билан танишди.
Айни пайтда мазкур спорт мактабида 850 нафар бола ва ўсмир 12 та спорт тури бўйича мунтазам машғулот олиб бормоқда.
Ўрганиш давомида пара оғир атлетика ва пара пауэрлифтинг йўналишларида шуғулланаётган ёшлар учун яратилган шароитлар кўздан кечирилди. Шунингдек, 30-сонли умумий ўрта таълим мактабида пара енгил атлетика билан шуғулланаётган ўқувчиларга янада қулай шароитлар яратиш бўйича масъулларга тегишли вазифалар берилди.
А.Нажмиддинов ёшларнинг спортга бўлган қизиқишини қўллаб-қувватлаш, айниқса, параспортчилар учун муносиб ва тенг имкониятлар яратиш муҳим эканини таъкидлади.