Yashnobod tumani hokimi B. Raxmankulov topshirig‘iga asosan, bugun TEXNOPARK hududida Ijtimoiy reyestrga kiritilgan fuqarolarning bandligini ta’minlash, ularni munosib ish o‘rinlariga yo‘naltirish maqsadida mehnat yarmarkasi tashkil etildi.
Yarmarka avvalida Yashnobod tumani hokimining birinchi o‘rinbosari hamda TEXNOPARK mas’ullari so‘zga chiqib, korxonadagi mavjud bo‘sh ish o‘rinlari, mehnat sharoitlari, ishga qabul qilish talablari va yaratilgan imkoniyatlar haqida ma’lumot berdilar.

👍 Shuningdek, avval TEXNOPARKda ishga joylashgan fuqarolar o‘z mehnat faoliyati va ish jarayonidagi tajribalari haqida so‘zlab berdilar.

👍 Yarmarkada 200 nafardan ortiq fuqaro ishtirok etdi. Ish izlovchilar bilan suhbatlar o‘tkazilib, mavjud bo‘sh ish o‘rinlari bo‘yicha ma’lumotlar berildi. 45 nafar fuqaroga ishga yo‘llanma berildi.

👍 Mazkur tadbir Ijtimoiy reyestrga kiritilgan fuqarolarning bandligini ta’minlash, ularning daromadlarini oshirish hamda munosib mehnat sharoitlariga ega bo‘lishlariga ko‘maklashishga qaratilgan.