Xalq deputatlari Chilonzor tuman Kengashining Qurilish, kommunal, suv xo‘jaligi, ekologiya, sanoat masalalari bo‘yicha doimiy komissiyasi tomonidan Chilonzor tumanida elektr ta’minoti tarmoqlarida amalga oshirilgan ishlar hamda 2026-yilgi kuz-qish mavsumiga tayyorgarlik holati ko‘rib chiqildi.
Doimiy komissiya yig‘ilishida Chilonzor tuman elektr ta’minoti korxonasi boshlig‘i Z.X. To‘rayevning 2026-yilning birinchi yarim yilligida amalga oshirilgan rekonstruksiya, modernizatsiya va ta’mirlash ishlari yuzasidan hisoboti tinglandi.
Muhokama yakunida elektr ta’minotida barqarorlikni ta’minlash, mavjud kamchiliklarni bartaraf etish, kuz-qish mavsumiga tayyorgarlik ishlarini jadallashtirish va elektr tarmoqlarining texnik holati bo‘yicha doimiy monitoring olib borish yuzasidan tegishli vazifalar belgilandi.
Shuningdek, Chilonzor tuman elektr ta’minoti korxonasi boshlig‘ining hisoboti doimiy komissiya a’zolarining fikr-mulohazalari va takliflarini inobatga olgan holda xalq deputatlari Chilonzor tumani Kengashining navbatdagi sessiyasi muhokamasiga kiritish uchun tavsiya etildi.