KO‘PRIK QURILISHI JARAYONI DEPUTATLIK NAZORATIDA

✅ Xalq deputatlari tuman Kengashi kotibiyati mudiri O‘.Murodov 11-Qo‘rqoncha saylov okrugi deputati Y.Aliyev bilan birgalikda Xalq deputatlari tuman Kengashining 2026-yil 3-martdagi VII-20-18-8-110-K/26-sonli qarori ijrosi doirasida Dehibolo mahallasida bo‘lib, amalga oshirilayotgan qurilish ishlarini o‘rgandilar.

✅ O‘rganish davomida mahallada 18×7,5 metr o‘lchamdagi ko‘prik qurish jarayoni ko‘zdan kechirildi. Ob’ektda olib borilayotgan ishlar, qurilishning belgilangan vazifalar asosida tashkil etilganligi va ishlarning borishiga alohida e’tibor qaratildi.

✅ Mazkur ko‘prikning barpo etilishi mahalla aholisi uchun qulay va xavfsiz harakatlanish sharoitini yaratish, hududning ichki infratuzilmasini yaxshilash hamda aholi ehtiyojlarini ta’minlashda muhim ahamiyatga ega.

📌 Qaror ijrosini joyiga chiqqan holda o‘rganish — belgilangan vazifalarning amaldagi natijasini baholash va aholi manfaatlarini ta’minlashga qaratilgan muhim deputatlik nazorati shaklidir.