DEPUTATLIK NAZORATI: OBODONLASHTIRISH BO‘LIMI FAOLIYATI O‘RGANILDI
Xalq deputatlari Pastdarg‘om tumani Kengashi doimiy komissiyalari va ularga biriktirilgan tashkilotlar bilan hamkorlik doirasida hududlarda mavjud muammolarni o‘rganish, ularning yechimi bo‘yicha amaliy choralar ko‘rish ishlari izchil davom ettirilmoqda.
📍 Navbatdagi o‘rganish davomida Xalq deputatlari Pastdarg‘om tumani Kengashi deputati A.Abdumurodov tomonidan tuman Obodonlashtirish bo‘limi faoliyati bilan yaqindan tanishildi.
O‘rganish jarayonida bo‘lim tomonidan hududlarni obodonlashtirish, ko‘kalamzorlashtirish, sanitariya-tozalash ishlarini tashkil etish, mavjud infratuzilmani saqlash hamda aholi uchun qulay va ozoda muhit yaratish borasida amalga oshirilayotgan ishlar ko‘rib chiqildi.
🔎 Shuningdek, ishlarni samarali tashkil etish, mavjud kamchiliklarni aniqlash va ularni bartaraf etish, aholi murojaatlarida ko‘tarilayotgan masalalarga manzilli yechim topish yuzasidan tegishli masalalarga e’tibor qaratildi.