Xalq deputatlari Chinoz tumani Kengashiga O‘zXDP partiyasidan 2-Hamza saylov okrugidan saylangan deputat Asqar Baxromov tomonidan Hamza mahalla fuqarolar yig‘inida xotin-qizlar faoli Lola Po‘latxo‘jayeva tomonidan amalga oshirilayotgan ishlar samaradorligi o‘rganildi.

📊 O‘rganish davomida ma’lum bo‘lishicha, 2026-yil davomida Hamza mahallasida jami 110 nafar xotin-qiz “Ayollar daftari”ga kiritilgan.

Ular quyidagi toifalar bo‘yicha qamrab olingan:

🔹 1-toifa — ijtimoiy himoyaga muhtoj ishsiz xotin-qizlar — 58 nafar;
🔹 2-toifa — tadbirkorlikni yo‘lga qo‘yish yoki faoliyatini kengaytirish istagidagi xotin-qizlar — 2 nafar;
🔹 3-toifa — uy-joy sharoitini yaxshilashga muhtoj xotin-qizlar — 5 nafar;
🔹 4-toifa — tibbiy va psixologik yordamga muhtoj xotin-qizlar — 25 nafar;
🔹 5-toifa — huquqiy yordamga muhtoj xotin-qizlar — 20 nafar.

📌 Bugungi kunga qadar amalga oshirilgan ishlar:

✅ 10 nafar xotin-qiz doimiy ish bilan ta’minlangan;
✅ 10 nafar xotin-qizga oilaviy tadbirkorlikni yo‘lga qo‘yish uchun imtiyozli kredit ajratilgan;
✅ 1 nafar ayolga uy-joyini ta’mirlash uchun qurilish materiallari olib berilgan;
✅ 15 nafar xotin-qizga huquqiy yordam ko‘rsatilgan.

👩‍👩‍👧‍👦 Deputat o‘rganishi yakunida xotin-qizlar bandligini yanada oshirish, ularni tadbirkorlik faoliyatiga kengroq jalb etish, ijtimoiy himoyaga muhtoj ayollarni har tomonlama qo‘llab-quvvatlash hamda oilalarda sog‘lom ma’naviy-axloqiy muhitni mustahkamlash borasidagi ishlarni yanada kuchaytirish yuzasidan mas’ullarga tegishli tavsiya va takliflar bildirildi.