Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida ijtimoiy reyestrga kiritilgan aholini reyestrdan chiqarish, oilalarni doimiy daromad manbaiga ega bo‘lishini ta’minlash hamda mavjud muammolarini o‘rganish yuzasidan xonadonlarga tashriflar amalga oshirildi.

O‘rganish davomida Davronbek ko‘chasi, 51-uyda yashovchi I.Akramovlar oilasi xonadoniga borilib, oila a’zolari bilan suhbat o‘tkazildi. Muloqot davomida oilaning yashash sharoiti, ijtimoiy holati hamda mavjud ehtiyojlari bilan yaqindan tanishildi.

Shuningdek, oilani ijtimoiy reyestrdan chiqarish bo‘yicha mahalla yettiligi tomonidan amalga oshirilayotgan ishlar o‘rganilib, oilaning ijtimoiy holatini yaxshilash va daromad manbaini shakllantirish imkoniyatlari muhokama qilindi.

O‘rganish davomida I.Akramovlar oilasi doimiy daromad manbaiga ega emasligi aniqlandi. Shu sababli oilaning moddiy holatini yaxshilash va kelgusida ijtimoiy reyestrdan chiqarish imkoniyatini yaratish maqsadida hokim yordamchisiga I.Akramovni doimiy ishga joylashtirish choralarini ko‘rish bo‘yicha topshiriq berildi.

Mazkur o'rganish ishlarini olib borishda Xalq deputatlari Qo‘qon shahar Kengashi kotibiyati mudiri A.Nosirov hamda kotibiyat bosh mutaxasissi A.Adhamovlar tomonidan amaliy ko‘mak ko‘rsatildi.

Mazkur masala deputat tomonidan nazoratga olinib, oilani bandligini ta’minlash, doimiy daromad manbaiga ega qilish hamda ijtimoiy holatini yaxshilash bo‘yicha amaliy ishlarni davom ettirish belgilandi.

Xalq deputatlari Qo‘qon shahar Kengashi