Xalq deputatlari Shovot tumani Kengashining 2026-yil 31-martdagi VII-23-38-12-177-K/26-sonli qarori bilan ajratilgan mablag‘larni maqsadli sariflanganligi o‘rganildi.
Kengash kotibiyati bosh mutaxassisi D.Abdrimova Monoq mahallasida yashovchi birinchi guruh nogironligi bo‘lgan Navro‘zova Dilnoza xonadonida energiya samaradorligini oshirish, issiqlik tizimini yaxshilash va yashash sharoitlarini yanada qulaylashtirish maqsadida belgilangan joriy ta’mirlash ishlari amalga oshirilgani deputatlik nazorati davomida ko‘zdan kechirildi.
O‘rganish davomida asosiy e’tibor quyidagilarga qaratildi:
🏠 Xonadon devorlari va tomlarini issiqlik izolyatsiya qilish holati;
🪟 Energiya tejamkor deraza va eshiklar o‘rnatilishi;
☀️ Quyosh panellari va geliokollektorlarning montaj qilinishi.
🔎 O‘rganish davomida bajarilgan ishlarning sifati, belgilangan maqsadga muvofiqligi hamda ajratilgan mablag‘lardan maqsadli foydalanilganligi holatiga e’tibor qaratildi.
🎯 Maqsad: aholi uchun qulay va energiya tejamkor yashash sharoitlarini yaratish, ijtimoiy qo‘llab-quvvatlashga qaratilgan chora-tadbirlarning samarali ijrosini ta’minlash.
Deputatlik nazorati — amaliy natija va xalq manfaatlari uchun!