Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida ijtimoiy reyestrga kiritilgan oilalar holini o‘rganish maqsadida xonadonlarga tashrif buyurildi.

O‘rganish davomida Latofat ko‘chasi, 10-uyda yashovchi, ijtimoiy reyestrga kiritilgan fuqaro B.G‘aniboyeva xonadoniga borilib, uning yashash sharoiti, oilaning ijtimoiy holati hamda mavjud ehtiyojlari bilan yaqindan tanishildi.

Suhbat davomida fuqaro bilan oilaning ijtimoiy holatini yaxshilash, daromad manbalarini kengaytirish hamda ijtimoiy reyestrdan chiqarish bo‘yicha olib borilayotgan ishlar yuzasidan fikr almashildi.

Muloqot jarayonida B.G‘aniboyeva oilasining ijtimoiy holati yaxshilangani, avvalgi davrga nisbatan oilaning sharoitida ijobiy o‘zgarishlar kuzatilayotganini ma’lum qildi.

Mazkur o'rganish ishlarini olib borishda Xalq deputatlari Qo‘qon shahar Kengashi kotibiyati mudiri A.Nosirov hamda kotibiyat bosh mutaxasissi A.Adhamovlar tomonidan amaliy ko‘mak ko‘rsatildi.

O‘rganish davomida oilaning erishgan ijobiy natijalarini mustahkamlash, mavjud imkoniyatlardan samarali foydalanish va kelgusida ijtimoiy reyestrdan chiqarish bo‘yicha amalga oshirilayotgan ishlarni davom ettirish muhimligi ta’kidlandi.

Xalq deputatlari Qo‘qon shahar Kengashi