#24_ta_tavsiyalar_ijrosi

Tez tibbiy yordam ko‘rsatish sifatiga e’tibor qaratildi

Xalq deputatlari Bandixon tumani Kengashi kotibiyati mudiri A.Pardayev hamda tuman Kengashi deputati I.Xalmatov tomonidan tuman tibbiyot birlashmasining qabul bo‘limi faoliyati hamda bemorlarga birinchi sifatli va tez tibbiy yordam ko‘rsatish uchun yaratilgan shart-sharoitlar o‘rganildi.

O‘rganish davomida qabul bo‘limida bemorlarni qabul qilish, ularga tibbiy xizmat ko‘rsatish jarayonlari, shoshilinch holatlarda tezkor tibbiy yordam ko‘rsatish imkoniyatlari hamda mavjud shart-sharoitlarga alohida e’tibor qaratildi.

Shuningdek, tibbiy xizmat ko‘rsatish sifatini yanada oshirish, bemorlarga qulaylik yaratish, zamonaviy tibbiy yondashuvlarni joriy etish va shoshilinch tibbiy yordamni o‘z vaqtida ko‘rsatish masalalari yuzasidan mas’ul xodimlar bilan fikr almashildi.

Ta’kidlanganidek, aholiga sifatli, tezkor va malakali tibbiy xizmat ko‘rsatish, ayniqsa shoshilinch holatlarda bemorlarga zarur yordamni o‘z vaqtida ko‘rsatish muhim vazifalardan biridir.