Mahallani rivojlantirish va aholi farovonligi – e’tibor markazida

💼 Xalq deputatlari Uchtepa tumani Kengashining O'zbekiston milliy tiklanish demokratik partiyasidan saylangan "13-Uchtepa" okrugi deputati Karimov Jamshid Fatxullayevich "Uchtepa" mahalla fuqarolar yig‘inida fuqarolar va nuroniylar bilan ochiq muloqot o‘tkazdi.

💬 Suhbat davomida mahallada amalga oshirilayotgan bunyodkorlik ishlari, aholi uchun yaratilayotgan sharoitlar, yoshlar va nuroniylarga qaratilayotgan e’tibor hamda hududni rivojlantirish masalalari muhokama qilindi.

🗂 Deputat o‘z so‘zida O‘zbekiston Respublikasi Prezidentining 2026-yil 16-fevraldagi PF-22-sonli Farmoni bilan tasdiqlangan “Mahallani rivojlantirish va jamiyatni yuksaltirish yili” Davlat dasturi hamda “O‘zbekiston – 2030” strategiyasida mahallalarni har tomonlama qo‘llab-quvvatlash, aholi farovonligini oshirish va fuqarolarning o‘zini o‘zi boshqarish organlari faoliyatini kuchaytirishga alohida e’tibor qaratilganini ta’kidladi.

🗣 Shuningdek, Vazirlar Mahkamasining 2024-yil 18-maydagi 291-sonli qarori asosida mahallalar faoliyatini qo‘llab-quvvatlash va aholi murojaatlarini manzilli hal etish bo‘yicha amalga oshirilayotgan ishlar haqida ham ma’lumot berdi.

📇 Muloqotda xalq deputatlari Uchtepa tumani Kengashi kotibiyati bosh mutaxassisi Z.Kuziyeva hamda "Uchtepa" mahalla fuqarolar yig‘ini raisi Muxtor Ilhomov ham ishtirok etib, mahallada olib borilayotgan ishlar va istiqboldagi rejalar yuzasidan axborot berdi.

🧠 Uchrashuv yakunida fuqarolar tomonidan bildirilgan taklif va murojaatlar tinglanib, ularni hal etish yuzasidan tegishli tavsiyalar berildi.