Deputat M.Mamurjonova “Bobotog‘” mahallasida:

Oilalar mustahkamligi va xotin-qizlar bandligi bosh maqsad
Xalq deputatlari Uzun tumani Kengashi deputati M.Mamurjonova xotin-qizlar muammolarini joyida o‘rganish maqsadida tumandagi “Bobotog‘” mahallasida istiqomat qiluvchi ayollar bilan ochiq muloqot tashkil etdi.

Uchrashuvda deputat tomonidan bugungi kunda jamiyatimizdagi eng dolzarb masalalardan biri bo‘lgan ajrim yoqasidagi oilalar muammosiga alohida e’tibor qaratildi.

M.Mamurjonova har bir nizoli oilaning xonadoniga kirib borish, ajrim yoqasiga kelib qolgan xotin-qizlarni ma’naviy va ruhiy qo‘llab-quvvatlash hamda muqaddas oila rishtalarini saqlab qolish uchun bor imkoniyatlarni safarbar etish zarurligini ta’kidladi.

Muloqot davomida deputat M.Mamurjonova mahalladagi xotin-qizlar bandligini ta’minlash masalasini ustuvor vazifa sifatida o‘rtaga tashladi. Ishsiz ayollarni kasb-hunarga yo‘naltirish, tadbirkorlik va kasanachilikni rivojlantirish orqali ularning mustaqil daromad manbaiga ega bo‘lishlariga ko‘maklashish choralari muhokama qilindi.