#Doimiy_komissiya_faoliyati

Xalq deputatlari Payariq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya a’zosi M.Kazakova hamda tuman Kengashi deputati L.Djamalova ishtirokida o‘rganish olib borildi.

O‘rganish davomida Xalq deputatlari Payariq tumani Kengashining 2026-yil 19-yanvardagi VII-20-5-7-100-K/26-son qarori bilan Payariq tumanida “Zarbdor tajribasi” asosida sanoat, xizmat va qishloq xo‘jaligi sohalarida amalga oshiriladigan drayver loyihalar doirasida Mirzo Ulug‘bek va Turkibola mahallalari hududidan o‘tuvchi 4K499 hamda 4K500 avtomobil yo‘llarining aholi gavjum bo‘lgan 3 kilometr qismini zarur infratuzilma bilan ta’minlash orqali 25 ta savdo va servis shoxobchasini tashkil etish loyihasining amalga oshirilish holati ko‘zdan kechirildi.

Mazkur loyiha uchun 5,08 milliard so‘m mablag‘ ajratilgan bo‘lib, o‘rganish jarayonida bajarilayotgan ishlar holati tahlil qilinib, loyihani belgilangan muddatlarda va sifatli amalga oshirish yuzasidan tegishli tavsiyalar berildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|