Xalq deputatlari Boyovut tumani Kengashi 15-A.Temur saylov okrugi deputati Obloqul Isanov tomonidan "S.Ayniy" mahallasida mahalla saylovchilari bilan uchrashuv tashkil etildi. Mazkur uchrashuv davlatimiz rahbari tomonidan taʼlim sohasiga oid berilgan topshiriqlarni mahalliy darajada keng tushuntirish va ularni amalga oshirish yuzasidan ochiq muloqot shaklida o‘tkazildi.

Tadbirda mahalla faollari, ota-onalar, taʼlim sohasida faoliyat yuritayotgan pedagoglar hamda keng jamoatchilik vakillari ishtirok etdi. Uchrashuv davomida deputat Obloqul Isanov xalqimiz oldiga qo‘yilgan muhim vazifalar, xususan, taʼlim tizimini yanada takomillashtirish, bolalarning sifatli bilim olishini taʼminlash, maktab va oila hamkorligini mustahkamlash borasidagi tashabbuslar haqida atroflicha maʼlumot berdi.

Ishtirokchilar o‘zlarini qiziqtirgan savollar bilan murojaat qilishdi, fikr va mulohazalar bildirildi. Bahs-munozaralarga boy bo‘lgan uchrashuvda taʼlim sifatini oshirish bo‘yicha bir qator amaliy takliflar ilgari surildi.

Mazkur uchrashuv mahalliy aholining taʼlim sohasiga bo‘lgan eʼtibori, o‘z farzandlari kelajagiga daxldorlik hissini kuchaytirishga xizmat qildi.