✅Xalq deputatlari Bekobod tumani Kengashiga 23-Chanoq saylov okrugidan saylangan deputat Shaxmayev Djaxongir Tulkunovich o`zi saylangan okrugidagi “Qolg‘onsir” mahallasidagi saylovchilar bilan uchrashuv o‘tkazdi.

✅Uchrashuvda deputat Djaxongir Shaxmayev 2025-yilning 1-choragi davomida o‘z faoliyati yuzasidan saylovchilarga axborot berib o`tdi. Deputat tomonidan uchrashuvda ishtirok etayotgan fuqarolarga davlatimiz tomonidan inson manfaati va xalqimiz farovonligi yo‘lida qabul qilinayotgan Qonun hujjatlari, Prezident Farmon va Qarorlari, Oliy Majlis Senati Qarorlari va hujjatlarining mazmun-mohiyati, maqsad va vazifalari to‘g‘risida atroflicha tushuntirish berildi. 

✅Shundan so‘ng saylovchilarni qiynayotgan muammolar, takliflar eshitildi.Tuman darajasidagi muammolar bo‘yicha mutasaddilariga "deputatlik so‘rov" yuborish, sessiya muhokamasiga kiritish va kelgusida qilinadigan ishlar to‘g‘risida kelishib olindi.