Tadbirkorlik sub’yektlari muammolarini o‘rganish va ularga amaliy yordam ko‘rsatish hamda sohasiga oid yangi qabul qilingan me’yoriy hujjatlarning mazmun-mohiyatini yetkazish maqsadida Sirdaryo viloyati bojxona boshqarmasi boshlig‘i N.Salimjonov Guliston shahrida joylashgan “MMX PRO” korxonasi bo‘lib, korxona vakillari bilan sayyor uchrashuv o‘tkazildi. Bugungi kunda korxonada 120 nafar ishchi o‘rni yaratilgan. Yil boshida qiymati 2 mln. AQSH dollariga teng bo‘lgan yangi zamonaviy asbob-uskunalar importga olib kelingan bo‘lib, ular orqali 8 turdagi og‘irlikdagi 10 kg.dan 150 kg.gacha bo‘lgan mahsulotlarni qadoqlash uchun qoplar ishlab chiqarilmoqda. Korxonada eksportni yo‘lga qo‘yish maqsadida quvvatlarni kengaytirish va zamonaviy mahsulotlarni ishlab chiqarish masalalariga alohida e’tibor qaratilgan bo‘lib, yangi olib kelingan texnologiyalar asosida ishlab chiqarilayotgan qoplar mahsulotlar solingandan keyin avtomatik qadoqlanadi. Uchrashuv davomida korxona rahbarining bojxona sohasiga oid takliflari tinglanib, yangi barpo etilayotgan korxonaga olib kelinadigan asbob-uskunalar rasmiylashtirish va eksport ko‘rsatkichlarini oshirish bo‘yicha yaqindan amaliy yordam ko‘rsatilishi yuzasidan kelishib olindi.