Suv resurslaridan samarali foydalanish, mahallalarda ekologik muhitni yaxshilash va aholi uchun qulay sharoitlar yaratish bugungi kunning dolzarb masalalaridan biridir. Ana shunday tashabbus doirasida Xalq deputatlari Jizzax shahar Kengashi deputati, 5-“Qaliya” saylov okrugidan saylangan deputat B. Toshpo‘latov tomonidan “Qaliya” mahalla fuqarolar yig‘ini “yettiligi”, shuningdek, Jizzax shahar obodonlashtirish boshqarmasi masʼul xodimlari ishtirokida muhim o‘rganish ishlari olib borildi. Mazkur o‘rganishlar davomida “Qaliya” mahallasidan oqib o‘tuvchi qadimiy “Qaliya” arig‘ining holati o‘rganilib, uni betonlash va tozalash orqali suvdan foydalanish samaradorligini oshirish masalalari muhokama qilindi. O‘rganishlar natijasiga ko‘ra ariqning 1,5 kilometr uzunlikdagi qismida bosqichma-bosqich ta’mirlash, betonlashtirish, tozalash hamda obodonlashtirish ishlarini amalga oshirish rejalashtirildi. Ushbu tashabbus nafaqat suv resurslaridan oqilona foydalanish, balki hududning ekologik holatini yaxshilash, sanitariya-gigiyena sharoitlarini yaxshilashga ham xizmat qiladi. Deputat va mutasaddi tashkilotlar tomonidan belgilangan rejalar asosida amalga oshiriladigan bu ishlar mahalla aholisi tomonidan iliq kutib olindi va keng jamoatchilik ishtirokida bajarilishi ko‘zda tutilmoqda. O‘rganishlar natijasiga ko‘ra ariqning 1,5 kilometr uzunlikdagi qismida bosqichma-bosqich ta’mirlash, betonlashtirish, tozalash hamda obodonlashtirish ishlarini amalga oshirish rejalashtirildi. Ushbu tashabbus nafaqat suv resurslaridan oqilona foydalanish, balki hududning ekologik holatini yaxshilash, sanitariya-gigiyena sharoitlarini yaxshilashga ham xizmat qiladi. Deputat va mutasaddi tashkilotlar tomonidan belgilangan rejalar asosida amalga oshiriladigan bu ishlar mahalla aholisi tomonidan iliq kutib olindi va keng jamoatchilik ishtirokida bajarilishi ko‘zda tutilmoqda.