Urganch shahridagi “Shodlik” mahallasi hududida Xalq deputatlari shahar Kengashi deputati D.Atayeva boshchiligida aholi punktlarini ko‘kalamzorlashtirish, daraxt va butalarni muhofaza qilish hamda yashil maydonlarni
kengaytirish borasida tizimli choralar ko‘rilmoqda.

Ayni kunlarda mahallada “Jamoatchilik nazorati”ni kuchaytirish orqali aniq hudud va yer uchastkasi kesimida aholining shaxsiy tashabbusi asosida daraxtlar ekilishi mumkin bo‘lgan manzillar va daraxtlarning turlari aniqlanib, “yashil haftalik” tadbirlarida bajariladigan barcha ishlar va o‘tkaziladigan tadbirlar amalga oshirilmoqda.

Shuningdek, aholiga bepul ko‘chat tarqatish uchun mahalla fuqarolar yig‘iniga ko‘chatlar yetkazib berildi hamda “yashil bog‘lar”ga daraxt ekish ishlariga aholining barcha qatlami jalb qilindi.