Xalq deputatlari Pastdarg'om tumani Kengashi deputati S.Jumanova va tuman ichki ishlar bo'limi boshlig'i Z.Mamadoliyev hamda tashkilot rahbarlari bilan birgalikda tumandagi Qoqsoy mahallasida sayyor qabul o‘tkazdi. Xalq deputatlari Pastdarg'om tumani Kengashi deputati tashabbusi bilan tashkil etilgan sayyor qabulda fuqarolar o‘zlarini qiynayotgan muammolar, turli masalalar bo‘yicha murojaatlari bilan ishtirok etdi.

Qabuldafuqarolarning eski sim yog‘ochlarni almashtirish, ichki yo‘llarni ta’mirlash, bolalar nafaqasi, ichimlik suvi tarmog‘ini tortish kabi masalalarga oid 20 dan ortiq murojaatlarini tinglab, ularga o‘z munosabatini bildirdi. Murojaatlarning ayrimlari shu yerning o'zida ijobiy hal etilgan bo'lsa, ijrosi ma’lum muddat talab qilinadigan murojaatlarni ijobiy hal etish bo‘yicha mutasaddilarga yo‘naltirildi va nazoratga olindi.