Oliy Majlis Qonunchilik palatasi deputati Go‘zal Samiyeva hamda tuman Kengash deputat Salom Kasimovlar tuman Axborot-kutubxona markazi faoliyati va undagi shart-sharoitlarini o‘rgandi, deputat tomonidan kutubxonaga zamonaviy axborot texnologiyalarini joriy etish, o‘quv materiallarini yangilash va kitob fondini ko‘paytirish zarurligi ta’kidlandi. Mas’ullarning soha rivojiga oid takliflari olindi.

Shuningdek, deputat G.Samiyeva 4-sonli Bolalar musiqa va san’at maktabi faoliyatini ko‘zdan kechirdi.

Suhbat jarayonida mutaxassis va mas’ullar xonalarning akustik talablarga javob berishi, bino yangi bo‘lganligi sabab ham barcha cholg‘u asboblari mavjudligi va zarur sharoitlar yaratilganligini ta’kidlashdi.

Bundan tashqari, deputat G.Samiyeva Sariosiyo tumanida joylashgan, yiliga 48 ming kvadrat metr eshik va deraza romlari ishlab chiqarish quvvatiga ega “Smart Communication” MChJga tashrif buyurdi va u yerda ishlab chiqarish jarayonlari hamda tayyor mahsulotlar turlari bilan tanishildi. 

Shundan so‘ng, Oliy Majlis Qonunchilik palatasi deputati G.Samiyeva tashabbusi bilan “Inson” ijtimoiy xizmatlar markazi ko‘magida tumanning Shabnam mahallasida nogironlar aravachasiga ehtiyoj bor oila farzandi uchun aravacha sovg‘a qilindi.