Andijon pedagogika texnikumida “Yagona Vatan, yagona xalq bo‘lib, yangi hayot va kelajak yaratamiz!” shiori ostida Mustaqilligimizning 35 yilligi hamda yangi 2026/2027-o‘quv yilining boshlanishi munosabati bilan “Bilimlar kuni” tadbiri o‘tkazildi.

Tadbirda Xalq deputatlari Andijon shahar Kengashi deputati Dilafruz Qurbonova, Andijon viloyati soliq boshqarmasi vakili, pedagog xodimlar hamda o‘quvchi-yoshlar ishtirok etdi.

Tadbir Davlat madhiyasining jonli ijrosi va milliy an’analarimizga xos karnay-surnay sadolari bilan boshlandi.

Tadbir davomida yangi o‘quv yilining boshlanishi munosabati bilan o‘quvchi-yoshlar va ustozlarga samimiy tilaklar bildirildi. Shuningdek, “Dolzarb 90 kunlik” doirasida o‘tkazilgan tadbirlarda faol ishtirok etgan yoshlar munosib rag‘batlantirildi.

Bayram tadbiri kuy-qo‘shiq, ifodali she’rlar va jozibador raqslar bilan davom etib, ishtirokchilarga ko‘tarinki kayfiyat bag‘ishladi.