#deputat_axboroti #poytaxtdeputatlari #deputatlik_faoliyati

❗️XALQ DEPUTATLARI TOSHKENT SHAHAR KENGASHI DEPUTATI IFTIXOR ZIYOYEV 2026-YILNING IKKINCHI CHORAGI BO‘YICHA AXBOROT BERDI

🏛 Xalq deputatlari Toshkent shahar Kengashining 20-“Foziltepa” saylov okrugidan saylangan deputati Iftixor Ziyoyev Uchtepa tumanidagi “Ko‘hna Cho‘pon ota” mahallasi majlislar zalida saylovchilar bilan uchrashib, 2026-yilning ikkinchi choragi davomida amalga oshirgan deputatlik faoliyati yuzasidan axborot berdi.

🤝 Yig‘ilishda Uchtepa tumani hokimligi mas’ul xodimlari, tuman Kengashi vakillari, 20-“Foziltepa” saylov okrugiga kiruvchi Tinchlikobod, Guzar, Farhod, Bog‘obod, Bog‘iston, Ko‘hna Cho‘pon ota, Katta Cho‘pon ota, Nayman va Birlik mahallalari raislari, faollari hamda fuqarolar ishtirok etdi.

📝 Axborotda ta’kidlanganidek, deputat ikkinchi chorak davomida Xalq deputatlari Toshkent shahar Kengashining 3 ta sessiyasi va 1 ta doimiy komissiya yig‘ilishida faol ishtirok etib, hududlarni rivojlantirish, kommunal infratuzilmani yaxshilash, aholi murojaatlarini hal etish hamda ijtimoiy masalalar yuzasidan taklif va tashabbuslarni ilgari surdi.

📁 Deputatlik nazorati natijasida “Ko‘hna Cho‘pon ota” mahallasidagi 24-, 25- va 26-sonli ko‘p qavatli uylarning isitish tizimi bilan bog‘liq muammo hal etildi. Avval issiqlik quvurlarining noto‘g‘ri o‘rnatilgani sababli mavsumda bosim pasayib, xonadonlarga yetarli issiqlik yetib bormayotgan edi. Deputatlik so‘rovi asosida muammo bartaraf etilib, mazkur uylarning isitish tizimi to‘liq tartibga keltirildi.

📉 Shuningdek, Ko‘hna Cho‘pon ota mahallasining kadastr ma’lumotlari elektron tizimda aks etmagani sababli gaz, suv va elektr tarmoqlariga ulanishda yuzaga kelayotgan muammolar o‘rganildi. Deputatlik so‘rovi va mas’ul tashkilotlar bilan hamkorlik natijasida Farhod, Katta Cho‘pon ota hamda tumandagi yana 13 ta mahallaning kadastr ma’lumotlarini tayyorlash bo‘yicha kelishuvga erishildi.

🔺 Bog‘iston mahallasida to‘xtab qolgan “Obod mahalla” dasturi bo‘yicha ham deputatlik so‘rovi kiritildi. Natijada dastur doirasidagi ishlarni Mustaqillik bayrami arafasida qayta boshlash bo‘yicha mas’ullar bilan kelishib olindi. Loyiha doirasida ko‘p qavatli uylarning fasadlarini ta’mirlash, ariq va drenaj tarmoqlarini qurish, asfalt qoplamalarini yotqizish, hududni obodonlashtirish va bolalar o‘yingohini tashkil etish ishlari nazarda tutilgan.

📹 Bundan tashqari, deputat aralashuvi bilan Nayman mahallasida videokuzatuv kameralarini o‘rnatish ishlari boshlandi. Mazkur tashabbus hududda jamoat xavfsizligini mustahkamlash va huquqbuzarliklarning oldini olishga qaratilgan.

🔎 Uchrashuv davomida kommunal infratuzilma, ekologiya, hujjatlashtirish, obodonlashtirish, ijtimoiy himoya hamda mahallalardagi boshqa dolzarb masalalar yuzasidan fuqarolarning murojaat va takliflari tinglandi. Ayrim masalalar joyida muhokama qilinib, qolganlari bo‘yicha tegishli tashkilotlar bilan hamkorlikda amaliy choralar ko‘rish belgilandi.

✅ Iftixor Ziyoyev saylovchilar bilan muntazam ochiq muloqotni davom ettirish, fuqarolar murojaatlarini manzilli hal etish, mahallalardagi infratuzilmaviy muammolarni bosqichma-bosqich bartaraf etish hamda ko‘tarilgan masalalar ijrosini deputatlik nazoratida olib borish bundan keyin ham ustuvor vazifa bo‘lib qolishini ta’kidladi.

📱 Telegram 📱 Instagram 📱 Facebook 📱 YouTube 🔎 E-kengash