🏫 DEPUTATLIK NAZORATI: 43-MAKTABNING YANGI O‘QUV YILIGA TAYYORGARLIK HOLATI O‘RGANILDI

📍 Xalq deputatlari Sherobod tumani Kengashi kotibiyati mudiri, 25-Tallashqon saylov okrugi deputati O. Tursunov hamda Kengash kotibiyati bosh mutaxassisi Sh. Xo‘janazarov tomonidan o‘z saylov okrugiga kiruvchi Boyqishloq mahallasidagi 43-sonli umumiy o‘rta ta’lim maktabida yangi o‘quv yiliga tayyorgarlik ishlari o‘rganildi.

🔎 O‘rganish davomida maktabdagi sinfxonalar, mavjud sharoitlar, sport infratuzilmasi, tibbiyot xonasi hamda maktab hovlisining yangi o‘quv yiliga tayyorgarlik holati ko‘zdan kechirildi.

🌿 Shuningdek, maktab hududini obodonlashtirish va ko‘kalamzorlashtirish holati ham o‘rganilib, aniqlangan kamchiliklar yuzasidan zarur tavsiyalar berildi hamda ularni bartaraf etish bo‘yicha tegishli chora-tadbirlar belgilab olindi.

🤝 Maktab rahbariyati bilan suhbat davomida yangi o‘quv yilini munosib kutib olish, mavjud kamchiliklarni bartaraf etish va o‘quvchilar uchun qulay hamda xavfsiz muhit yaratish masalalari muhokama qilindi.

🎯 Asosiy maqsad — yangi o‘quv yilini yuqori saviyada boshlash, o‘quvchilar uchun munosib sharoitlarni ta’minlash hamda ta’lim muassasasida aniqlangan kamchiliklarni o‘z vaqtida bartaraf etish.

🏫 Yangi o‘quv yili — yangi maqsadlar va yangi marralar sari qadam! 📚✨

Xalq deputatlari Sherobod tumani Kengashi kotibiyati matbuot xizmati.