Bandixon tuman hokimining deputat sifatida navbatdagi uchrashuvi “Paxtakor” mahallasida bo‘lib o’tdi

📍Bandixon tumani hokimi, Xalq deputatlari tuman Kengashining 9-Paxtakor saylov okrugidan saylangan deputat Abdumalik Allamuradovning “Paxtakor” mahallasidagi saylovchilar bilan navbatdagi uchrashuvi bo‘lib o‘tdi.

Uchrashuvda deputatning 2026-yilning dastlabki olti oyidagi faoliyati yuzasidan hisoboti taqdim etildi. Unda hududni ijtimoiy-iqtisodiy rivojlantirish, aholi farovonligini oshirish, infratuzilmani yaxshilash, obodonlashtirish va bunyodkorlik borasida amalga oshirilgan ishlar haqida batafsil ma’lumot berildi.

Fuqarolar tomonidan ishga joylashish, hududni obodonlashtirish va ko‘kalamzorlashtirish, atrof-muhitni muhofaza qilish, ijtimoiy himoyaga muhtoj oilalarni qo‘llab-quvvatlash kabi masalalar yuzasidan murojaat va takliflar bildirildi.

Shuningdek, aholiga mamlakatimizda amalga oshirilayotgan islohotlar, yangi imkoniyat va imtiyozlar to’g’risida tushuntirishlar berildi.

📌 Har bir murojaat — e’tiborda, har bir taklif — nazoratda!

Uchrashuv davomida fuqarolarning savollariga mas’ullar tomonidan javoblar berilib, ko‘tarilgan muammolarni hal etish yuzasidan tegishli rahbarlarga aniq topshiriqlar berildi. Murojaatlarning ijrosi nazoratga olindi.

Xalq vakili bo‘lish — avvalo xalq dardini tinglash va uning yechimi uchun mas’uliyatni zimmasiga olish demakdir.