❗️ Шымбай районында халықтың турмыс шараятын жақсылаў, аймақлардың инфраструктурасын жетилистириў бағдарында кең көлемли жумыслар әмелге асырылмақта. Соның ишинде, райондағы «Гүлистан» мәҳәлле пуқаралар жыйыны аймағына «Жаңа Өзбекстан көринисиндеги мәҳәлле» статусының берилиўи мәҳәлле турмысында жаңа раўажланыў дәўирин баслап берди.

♻️ Бул баслама шеңберинде бүгинги күнде аймақтағы «Жақсылық» көшесиниң 1,8 км аралығына заманагөй асфальт төсеў жумыслары қызғын алып барылмақта. Усы алып барылып атырған усы қурылыс-оңлаў жумысларының барысы менен жақыннан танысыў мақсетинде, Халық депутатлары Шымбай районлық Кеңесиндеги ӨзХДП депутатлық топары ағзасы Х.Абдижалиев өзи сайланған «Гүлистан» МПЖ аймағында болды.

✅ Илаж даўамында депутат Х.Абдижалиев тәрепинен қурылыс жумысларының белгиленген стандартлар тийкарында, сапалы орынланыўы бойынша жуўапкерлерге тийисли усыныслар берилди. Сондай-ақ, көше бойлап алып барылып атырған жол қурылысының бүгинги жағдайы ҳәм жумысшылар ушын жаратылған шараятлар толық үйренилди.

✍️ Илаж соңында депутат Х.Абдижалиев тәрепинен үйрениў барысында тийисли тараў қәнигелери ҳәм қурылысшылар менен пикирлесип, жумысларды өз мүддетинде сапалы жуўмақлаў бойынша усынысларын билдирди.