Yoshlar o‘rtasida huquqiy madaniyatni yuksaltirish va jinoyatchilikning barvaqt oldini olish bugungi kunning eng dolzarb vazifasidir. Shu munosabat bilan, Olmaliq davlat texnika institutida talabalar ishtirokida keng qamrovli profilaktik tadbir bo‘lib o‘tdi.

Uchrashuvda Olmaliq shahar IIB boshlig‘i Sherzod Shermatov, sohaviy xizmatlar vakillari hamda Xalq deputatlari shahar Kengashining 22-okrug deputati Adham Xasanov ishtirok etib, yoshlar bilan yuzma-yuz muloqot qildilar.

Muloqot davomida bugungi kunda yoshlar hayotiga xavf solayotgan bir qator salbiy omillar tahlil qilindi:
💻 Kiberjinoyatchilik: Internet tarmoqlaridagi firibgarliklardan himoyalanish;
❌ Korrupsiya va zararli illatlar: Ularga qarshi murosasiz immunitetni shakllantirish;
⚖️ Huquqbuzarlik profilaktikasi: Qonun ustuvorligini ta’minlashda yoshlarning o‘rni.
"Har bir yosh o‘z kelajagiga mas’uliyat bilan qarashi, bo‘sh vaqtidan unumli foydalanishi va qonunlarni buzishga nisbatan qat’iy 'yo‘q' deya olishi kerak," — deya ta’kidladi shahar IIB boshlig‘i.
Uchrashuv yakunida talabalar o‘zlarini qiziqtirgan savollariga mutaxassislardan batafsil javob oldilar. Bu kabi tadbirlar yoshlarni ogohlikka chorlash va ularni turli yod g‘oyalar hamda xavf-xatarlardan asrashda muhim ahamiyat kasb etadi.