Xalq deputatlari Termiz shahar Kengashi kotibiyati mudiri, deputat A.Ashurov, Kengashning 12-“Saxovat” saylov okrugi deputati X.Jurayev hamda Kengash kotibiyati bosh mutaxassisi R.Mamashukurovlar “Saxovat” mahallasida bo‘lib, hududdagi dolzarb muammolarni o‘rganish maqsadida nazorat-tahlil tadbirini o‘tkazdilar.
Deputatlar mahalla hududini ko‘zdan kechirish jarayonida aholining kundalik turmushiga bevosita ta’sir ko‘rsatuvchi quyidagi masalalarga alohida e’tibor qaratdilar:
Hudud obodligi: Mahalla ko‘chalarining tozaligi va sanitariya holati tahlil qilindi;
Ichki yo‘llar: Ta;mirtalab ichki yo‘llarning holati va ularni tartibga keltirish imkoniyatlari o‘rganildi;
Elektr tarmog‘i xavfsizligi: Eskirgan elektr simyog‘ochlarining holati ko‘zdan kechirildi. Ushbu muammo aholi xavfsizligi va energiya ta’minoti barqarorligi uchun o‘ta muhim ekanligi qayd etildi.
O‘rganish davomida aniqlangan barcha kamchiliklar va aholini qiynayotgan masalalar deputat X.Jurayevning shaxsiy murojaat daftariga qayd etildi.
Mavjud muammolarni qisqa fursatda bartaraf etish, xususan, yo‘llarni ta’mirlash va xavfli elektr simyog‘ochlarini yangilash yuzasidan tegishli mutasaddi tashkilotlarga rasmiy deputatlik so‘rovlari yuborilishi belgilanib olindi.
"Bizning maqsadimiz — aholini qiynayotgan muammolarni nafaqat eshitish, balki ularni joyiga chiqqan holda o‘rganib, ijro hokimiyati oldiga qat'iy talablar qo‘yishdir. 'Saxovat' mahallasidagi har bir ko‘cha va har bir chiroq nazoratimizda bo'ladi," — deya ta'kidlashdi xalq vakillari.