Mirzo Ulug‘bek mahallasida saylovchilar bilan uchrashuv o‘tkazildi
💠Xalq deputatlari Shirin Sirdaryo viloyati Kengashi deputati
B.Sobirov hamda Xalq deputatlari Shirin shahar Kengashi deputati M. Salimova tomonidan Mirzo Ulug‘bek mahallasida saylovchilar bilan uchrashuv o‘tkazildi.

✅Uchrashuv davomida fuqarolarning murojaat va takliflari tinglanib, ularni qiynab kelayotgan dolzarb masalalar muhokama qilindi. Xususan, ichki yo‘llarni ta'mirlash, tungi yoritish tizimini yaxshilash, ko‘p qavatli uylar atrofini obodonlashtirish, bolalar maydonchalarini ta'mirlash, daraxtlarni sanitariya maqsadida butash hamda ichimlik suvi ta'minoti bilan bog‘liq masalalar aholi tomonidan ko‘tarildi.

📌Shuningdek, yoshlar bandligini ta'minlash, xotin-qizlarni kasb-hunarga yo‘naltirish hamda ijtimoiy himoyaga muhtoj oilalarni qo‘llab-quvvatlash yuzasidan taklif va mulohazalar bildirildi.

📎Uchrashuv yakunida bildirilgan murojaatlar tegishli tartibda ro‘yxatga olinib, mas'ul tashkilotlar bilan hamkorlikda ijobiy hal etish yuzasidan amaliy choralar ko‘rilishi hamda ijrosi deputatlik nazoratiga olinishi ta'kidlandi.