Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov tumanning “Bunyodkor” mahallasi bo‘yicha hokim yordamchisi S.Xalikulova va mahalla bankiri faoliyati bilan tanishdi.

🔺O‘rganish jarayonida hokim yordamchisi tomonidan aholi bandligini ta’minlash, ishsiz fuqarolarni doimiy daromad manbai bilan ta’minlash, tadbirkorlikni rivojlantirish, yangi ish o‘rinlari yaratish hamda aholining daromadini oshirishga qaratilgan chora-tadbirlar ijrosi bilan tanishildi. Shuningdek, ehtiyojmand oilalarni qo‘llab-quvvatlash, ularni kasb-hunarga o‘qitish, o‘zini o‘zi band qilish va tadbirkorlik faoliyatiga jalb etish bo‘yicha amalga oshirilayotgan ishlar tahlil qilindi.

🔺Mahalla bankiri faoliyati doirasida esa aholi va tadbirkorlik subyektlariga ko‘rsatilayotgan bank xizmatlari, imtiyozli kreditlar ajratish, oilaviy tadbirkorlik dasturlari asosida loyihalarni moliyalashtirish, kredit mablag‘larining maqsadli yo‘naltirilishi hamda moliyaviy xizmatlardan foydalanish imkoniyatlarini kengaytirish bo‘yicha amalga oshirilayotgan ishlar ko‘rib chiqildi.

🔺Deputat tomonidan mas’ullar bilan muloqot davomida aholi murojaatlarini tizimli o‘rganish, har bir murojaat yuzasidan aniq natijaga erishish, ishsiz fuqarolarni bandlikka jalb qilish, tadbirkorlik tashabbuslarini qo‘llab-quvvatlash va kredit mablag‘larining samarali o‘zlashtirilishini ta’minlash bo‘yicha tegishli tavsiya va takliflar bildirildi.