Aholining yashash sharoitini yaxshilash, kommunal infratuzilmada mavjud muammolarni bartaraf etish hamda sanitariya-epidemiologik osoyishtalikni ta’minlash maqsadida Xalq deputatlari Bo‘stonliq tumani Kengashiga O‘zbekiston Liberal demokratik partiyasidan saylangan deputat M.Mirabdullayev tashabbusi bilan tumanning “Besh-tut” mahallasida joylashgan 14, 15, 16, 17, 20 va 22-ko‘p qavatli uy joylarning magistral kanalizatsiya tarmoqlarida tozalash va ta’mirlash ishlari olib borildi.

🔺Amalga oshirilgan ishlar davomida maxsus texnikalar yordamida kanalizatsiya quvurlari tozalandi, tiqilib qolgan uchastkalar ochildi, quduqlar ko‘rikdan o‘tkazilib, tizimning uzluksiz ishlashi ta’minlandi. Bu esa ko‘p qavatli uylarda istiqomat qiluvchi aholi uchun yanada qulay va xavfsiz sanitariya muhitini yaratishga xizmat qildi.

🔺Deputat ishlar jarayoni bo‘yicha shaxsan nazorat olib borib, mas’ul tashkilotlar va kommunal xizmat vakillari bilan suhbat o‘tkazdi. Kelgusida bunday muammolarning oldini olish maqsadida kanalizatsiya tarmoqlarini rejali ravishda profilaktik tozalash, muhandislik-kommunikatsiya tarmoqlarini muntazam nazorat qilish hamda aholi murojaatlariga tezkor munosabat bildirish zarurligi ta’kidlandi.