👥 Xalq deputatlari Bag‘dod tumani Kengashi Kotibiyat mudiri G‘.Abdullayev hamda tuman Kengashi deputati T.To‘ychiboyev tomonidan tuman Kengashining 2026-yil 11-fevraldagi “Bag‘dod tumanini 2026-yilda ijtimoiy-iqtisodiy rivojlantirish dasturlarini tasdiqlash to‘g‘risida”gi VII-18-8-11-152-K/26-sonli qarori ijrosi yuzasidan joylarda o‘rganishlar olib borildi.
🏘 Mazkur qarorga muvofiq, Bag‘dod tumani markazida 1972–1991-yillarda barpo etilgan, bugungi kunda ma’nan eskirgan 23 ta ikki qavatli, jami 326 xonadonli ko‘p kvartirali uylarni renovatsiya qilish orqali zamonaviy turar joy majmuasini barpo etish belgilangan.
🏗 Loyiha doirasida “O‘zbekiston” mahalla fuqarolar yig‘ini Bo‘ston dahasi hududidagi mavjud uylar o‘rnida 23 ta 7 qavatli, jami 1924 xonadonli zamonaviy ko‘p qavatli uy-joylar qurilishi rejalashtirilgan.
🌳 Shuningdek, dastur asosida aholi uchun qulay va zamonaviy infratuzilma yaratish maqsadida bolalar maydonchalari, sport maydonlari hamda kichik istirohat bog‘lari tashkil etilishi ko‘zda tutilgan.
💧 Majmuaning muhandislik-kommunikatsiya tarmoqlarini yaxshilash maqsadida budjet mablag‘lari hisobidan 1000 m³ sig‘imli ichimlik suvi inshooti, 2 ta suv qudug‘i va 2 ta suv nasosini o‘rnatish rejalashtirilgan.
⚡️ Elektr ta’minoti tizimini mustahkamlash maqsadida esa 35/10 kVli “Namuna” nimstansiyasidagi quvvati 6300 kVA bo‘lgan transformatorni 16000 kVA quvvatli transformatorga almashtirish, 2 ta yacheyka qurish, 4 kilometr elektr uzatish tarmog‘ini tortish hamda 2 ta yangi transformator o‘rnatish belgilangan.
🔎 O‘rganish davomida mazkur loyiha doirasida amalga oshirilayotgan ishlarning borishi, belgilangan vazifalarning ijrosi hamda qurilish va infratuzilma obyektlaridagi holatlar joyiga chiqib ko‘zdan kechirildi.