O‘zbekiston Respublikasi Prezidentining 2026-yil 5-fevraldagi “Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli qarori hamda ushbu hujjat ijrosini ta’minlash maqsadida qabul qilingan Xalq deputatlari Marg‘ilon shahar Kengashining 2026-yil 21-fevraldagi VII-20-15-11-168-K/26-sonli qarori asosida belgilangan vazifalarning ijrosi joylarda o‘rganildi.

Jumladan, Zuhro mahalla fuqarolar yig‘inida ko‘p kvartirali uylar hududida bolalar maydonchalarini barpo etish bo‘yicha amalga oshirilayotgan ishlar deputatlik nazorati tartibida ko‘zdan kechirildi.

O‘rganishda Xalq deputatlari Marg‘ilon shahar Kengashi kotibiyati mudiri A.Ermatov, doimiy komissiyalar raislari X.Abduraxmonov, A.Mahkamov, Z.Domilayev hamda kotibiyat bosh mutaxassisi N.Akbarova ishtirok etdilar.

Oʻrganish davomida hududda bolalar uchun qulay va xavfsiz sharoitlar yaratish, maydonchalarning sifatli barpo etilishi hamda qarorda belgilangan vazifalarning ijrosi yuzasidan amalga oshirilayotgan ishlar atroflicha o‘rganildi.

Xalq deputatlari Marg‘ilon shahar Kengashi tomonidan qabul qilingan qarorlar ijrosi ustidan deputatlik nazorati ishlari davom ettirilmoqda. Bu esa hududlarda amalga oshirilayotgan loyihalarning sifatli va samarali bajarilishiga xizmat qilmoqda.