Xalq deputatlari tuman Kengashi raisi X.Raximov Bobur mahallasida bo‘lib, mahallada faoliyat yuritayotgan yoshlar yetakchisining ish faoliyati bilan yaqindan tanishdi. Tashrif davomida mahallada yoshlar bilan ishlash tizimi, ularni bandligini ta’minlash, bo‘sh vaqtlarini mazmunli tashkil etish hamda yoshlarni tadbirkorlikka va kasb-hunarga yo‘naltirish borasida
amalga oshirilayotgan ishlar yuzasidan atroflicha ma’lumotlar olindi. Shuningdek, tuman Kengashi raisi mahalladagi yoshlar bilan ochiq muloqot o‘tkazib, ularning fikr va takliflarini tingladi. Uchrashuv davomida yoshlarni qiynayotgan muammolar, ta’lim olish, ish bilan ta’minlash, sport va madaniy tadbirlarga jalb etish masalalari muhokama qilindi. Yoshlar tomonidan bildirilgan murojaat va tashabbuslarni ijobiy hal etish yuzasidan tegishli mas’ullarga vazifalar belgilab berildi. Muloqot jarayonida mamlakatimizda yoshlarga qaratilayotgan e’tibor va yaratilayotgan imkoniyatlar xususida ham so‘z yuritilib, yoshlarning jamiyat hayotidagi faolligini oshirish, ularning iqtidor va salohiyatini qo‘llab-quvvatlash muhim ahamiyat kasb etishi ta’kidlandi.