Yig‘ilishda O‘zbekiston Respublikasi Prezidentining 2023-yil 23-noyabrdagi PF–199-son Farmoni hamda Vazirlar Mahkamasining 2024-yil 26-martdagi 156-son qarori ijrosi doirasida Termiz shahridagi “Do‘stlik” mahallasi hududida 0,20 gektar maydonda tashkil etilishi rejalashtirilayotgan “Yashil jamoat parki” loyihasi atroflicha muhokama qilinmoqda.

▶️Muhokamalar davomida shahar Ekologiya va atrof-muhitni muhofaza qilish bo‘limi boshlig‘i S. Qurbonov tomonidan loyiha yuzasidan hisobot taqdim etildi. Deputatlar va komissiya a’zolari tomonidan loyiha ijrosi, ajratilayotgan mablag‘larning samaradorligi, hududning ekologik holatini yaxshilash hamda aholi uchun qulay yashil maskan yaratish masalalari tanqidiy-tahliliy ruhda ko‘rib chiqildi.

▶️Ta’kidlanishicha, “Mening bog‘im” loyihasi doirasida amalga oshirilayotgan bunday tashabbuslar shahar ekologik barqarorligini ta’minlash, aholining ekologik madaniyatini oshirish va yashillik darajasini kengaytirishga xizmat qiladi.

🫥 “Yashil makon” — kelajak avlod uchun sog‘lom va qulay muhit yaratish sari muhim qadam.