#deputatlar_nazorati #poytaxtdeputatlari #deputatlik_faoliyati

❗️Saylovchilar bilan muloqot: ko‘tarilgan masalalar amaliy o‘rganildi

🏛 Xalq deputatlari Toshkent shahar Kengashi deputati Sevara Fayziyeva hamda Xalq deputatlari Yashnobod tuman Kengashi deputati Nigora Murotovalar “Qo‘yliqobod” mahallasida saylovchilar bilan uchrashuv o‘tkazib, unda bildirilgan masalalar yuzasidan joyiga chiqib o‘rganish ishlari olib bordi.

📝 O‘rganish jarayonida Xalq deputatlari Yashnobod tuman Kengashi kotibiyati mudiri Alisher Kerimov, mahalla raisi Husan Norov hamda mahalla faollari ishtirok etdi. Dastlab, 215-sonli umumta’lim maktabi faoliyati bilan tanishildi.

🗣 Fuqarolar tomonidan ko‘tarilgan masalalar yuzasidan maktab direktori bilan suhbat o‘tkazildi. Suhbat davomida maktab sport maydonchasi mahalla aholisi uchun har kuni soat 16:00 dan 20:00 gacha ochiq ekani ma’lum qilindi. Shu bilan birga, sport maydonchasining ta’mirtalab holatda ekani qayd etilib, mazkur muammoni mas’ul tashkilotlar bilan hamkorlikda bartaraf etish yuzasidan tegishli tavsiyalar berildi.

💡 Shuningdek, uchrashuv davomida bolalar xavfsizligini ta’minlash maqsadida maktab hududiga kuzatuv kameralarini o‘rnatish masalasi ko‘tarilgan edi. O‘rganish natijasida maktab binosi va hududida jami 69 ta kuzatuv-nazorat kameralari o‘rnatilgani hamda ular doimiy ishlayotganligi aniqlandi.

🔎 Bundan tashqari, o‘rganish ishlari davomida Yashnobod tumani Tabibiy ko‘chasidagi holat ham ko‘zdan kechirildi. Mazkur ko‘chadagi 102-uy xonadonida eskirgan simyog‘och saqlanib qolganligi, undagi elektr simlari esa xonadon egalari uchun xavf tug‘dirayotgani aniqlandi. Shu kabi holatlar ko‘chaning boshqa qismida ham mavjud ekani qayd etildi.

💼 Aniqlangan muammolar yuzasidan mas’ul tashkilotlar rahbarlari bilan bog‘lanilib, shu kunning o‘zida zarur ko‘rsatmalar berildi. Fuqarolar tomonidan bildirilgan har bir murojaat deputatlar tomonidan doimiy nazoratga olinishi ta’kidlandi.

📱 Telegram 📱 Instagram 📱 Facebook 📱 YouTube 🔎 E-kengash