Xalq deputatlari kengashi deputati X.Raxmatov tomonidan “Shodlik” mahalla fuqarolar yigʻinida aholi turmush sharoitlarini yanada yaxshilashga qaratilgan ishlar va 24 ta savоlnoma asosida faoliyat yo'nalishi yuzasidan oʻrganish oʻtkazildi.

Oʻrganish davomida deputat X.Raxmatov mahalla faollari bilan birgalikda koʻp-qavatli uylarda istiqomat qilayotgan aholi uchun yaratilgan sharoitlar, uylarning texnik holati, kommunal xizmatlar sifati, koʻp-qavatli uylarning yertoʻlasidan unumli foydalanish, hududlarni obodonlashtirish ishlarini koʻzdan kechirdi. 

Oʻrganish jarayonida ayrim uylarning yoʻlaklarini taʼmirlash ishlariga ehtiyoj borligi, obodonlashtirish ishlarini yanada kuchaytirish yuzasidan aniqlangan muammolarni oʻz vaqtida bartaraf etish boʻyicha vaziflar belgilandi. 

Shuningdek, mahalla infratuzilmasini yaxshilash, bolalar maydonchalari holatini yaxshilash boʻyicha takliflar berildi.

Deputat X.Raxmatov oʻrganish yakunida koʻtarilgan masalalarni tegishli tashkilotlar bilan hamkorlikda hal etish, aholi murojaatlarini tizimli ravishda koʻrib chiqish va amaliy choralar koʻrish boʻyicha aniq vazifalar asosida ishlar tashkil etilishini taʼkidladi.

Uchrashuv yakunida deputat tomonidan shu tartibdagi oʻrganishlar aholi muammolarini joyida aniqlash, ularni tezkor bartaraf etish hamda mahallalarni yanada obod maskanga aylantirishda xizmat qilishi maʼlum qilindi.