Xalq deputatlari Termiz tuman Kengashi raisi S. Nazarov, kotibiyat mudiri A. Avliyakulov, doimiy komissiya raislari hamda deputatlik guruhi rahbarlari ishtirokida tuman Kengashining ish faoliyati, erishilgan yutuqlar va mavjud kamchiliklar yuzasidan atroflicha tahlil yig‘ilishi o‘tkazildi.

Yig‘ilishda deputatlar faoliyati, shuningdek, tavsiya etilgan 24 ta muhim masala bo‘yicha hududlarda amalga oshirilayotgan ishlar holati muhokama qilindi. Ayrim yo‘nalishlarda ishlar sustkashlik bilan ketayotgani, ijro intizomi va nazoratni kuchaytirish zarurligi qayd etildi.

Shuningdek, ijtimoiy soha, infratuzilma, aholi murojaatlarini hal etish hamda obodonlashtirish yo‘nalishlarida mavjud muammolar batafsil ko‘rib chiqilib, ularni bartaraf etish bo‘yicha aniq taklif va tavsiyalar berildi.

Yig‘ilish yakunida barcha yo‘nalishlar bo‘yicha ishlarni jadallashtirish, deputatlik nazoratini kuchaytirish hamda belgilangan vazifalarni samarali bajarish yuzasidan tegishli topshiriqlar belgilab olindi.