Aholi tomorqalari faoliyatini rivojlantirish yuzasidan seminar o‘tkazildi

Sariosiyo tumanida tanlab olingan og'ir mahallalarda aholi tomorqalaridan samarali foydalanishni takomillashtirish, “Tomorqa maktablari” faoliyatini rivojlantirish hamda ushbu yo‘nalishdagi ishlar samaradorligini oshirish maqsadida seminar tashkil etildi. 

Unda tuman hokimi, xalq deputatlari tuman Kengashi deputati O.Yaqubov tomonidan mahallalarda tomorqachilikni tizimli rivojlantirish, yer resurslaridan oqilona foydalanish va hosildorlikni oshirish masalalari muhokama qilindi. Shuningdek, hokim yordamchilarining aholi bilan ishlash va daromad manbalarini kengaytirish borasidagi faoliyati ko‘rib chiqildi.

Seminarda Oliy Majlis Qonunchilik palatasi deputati Go‘zal Samiyeva hamda xalq deputatlari tuman Kengashi deputati C.Kosimovlar aholi tomorqalaridan samarali foydalanish, daromadli ekin turlarini joriy etish hamda zamonaviy agrotexnologiyalarni qo‘llash yuzasidan tavsiyalar berishdi.

Yakunda mas’ullarga aholiga amaliy yordam ko‘rsatish, mavjud imkoniyatlardan to‘liq foydalanish va belgilangan vazifalar ijrosini ta’minlash bo‘yicha tavsiyalar va aniq vazifalar berildi.