O‘rganish jarayonida kotibiyat mudiri A.Ermatov, doimiy komissiya raisi X.Abdurahmonov hamda komissiya raisi o‘rinbosari G‘.Madumarov ishtirok etib, muassasada korrupsiyaning oldini olish, uning sabab va sharoitlarini bartaraf etish borasida amalga oshirilayotgan ishlar bilan yaqindan tanishdilar.

Deputatlar tomonidan hujjatlar yuritilishi, ichki nazorat tizimi, xodimlar o‘rtasida profilaktik tushuntirish ishlari hamda ochiqlikni ta’minlashga qaratilgan choralar atroflicha o‘rganildi.

O‘rganish yakunida muassasa xodimlari ishtirokida yig‘ilish o‘tkazildi. Unda doimiy komissiya raisi X.Abdurahmonov korrupsiyaga qarshi kurashish sohasida amalga oshirilayotgan islohotlar, amaldagi qonunchilik talablari hamda ularning amaliy ahamiyati yuzasidan batafsil tushuntirishlar berdi.

Shuningdek, xodimlarga korrupsiyaga nisbatan murosasiz munosabatni shakllantirish, xizmat vazifalarini halol va vijdonan bajarish muhimligi alohida ta’kidlandi.