Termiz tumani “Orol” MFYda olib borilayotgan ishlar yuzasidan

Orol mahallasida sug‘orish va elektr ta’minotini yaxshilash ishlari o‘rganildi.

Deputat N.Ruziyeva hamda bosh mutaxassis T.Murodov o‘rganishlar davomida “Orol” mahalla fuqarolar yig‘inida amalga oshirilayotgan navbatdagi ishlar bilan yaqindan tanishildi. Xususan, hududda sug‘orish tizimini yaxshilash maqsadida 2,5 km ichki ariqlarni betonlash yoki lotok o‘rnatish bo‘yicha ishlar boshlab yuborilgan. Hozirgi kunda ariqlar qazilib, betonlash ishlari bosqichma-bosqich amalga oshirilmoqda.

Shuningdek, hududda elektr ta’minotini yaxshilash maqsadida ham qator ishlar olib borilmoqda. Jumladan, foydalanish muddati o‘tgan va eskirgan beton ustunlarni zamonaviy yangi beton ustunlarga almashtirish uchun zarur bo‘lgan beton ustunlar hududga olib kelingan bo‘lib, bu boradagi ishlar ham izchil davom ettirilmoqda.

O‘rganish jarayonida hudud aholisi tomonidan bildirilgan ayrim muammolar ham tinglandi. Mazkur masalalarni ijobiy hal etish maqsadida o‘rganish natijalari asosida tegishli tashkilotlarga deputatlik so‘rovi chiqarilishi yuzasidan taklif bildirildi.

Mazkur ishlar hudud infratuzilmasini yanada rivojlantirish, sug‘orish tizimini yaxshilash hamda aholini barqaror elektr energiyasi bilan ta’minlashga xizmat qilishi alohida ta’kidlandi.