Xalq deputatlari Buloqboshi tumani Kengashi 4-Balandchek Sanoat saylov okrugi deputati N.Xudoyberdiyev hududda istiqomat qilayotgan qariyalar holidan xabar oldi. U tashrif davomida samimiy suhbat qurib, ularning muammolari, taklif va murojaatlarini diqqat bilan tingladi.

Uchrashuv jarayonida fuqarolarning ijtimoiy himoya, tibbiy xizmat sifati, kommunal xizmatlar va kundalik ehtiyojlar bilan bog‘liq masalalari muhokama qilindi. Deputat har bir murojaatni alohida qayd etib, ularni hal etish bo‘yicha tegishli tashkilotlar bilan hamkorlik qilishini ta’kidladi.

Shuningdek, qariyalar deputatning e’tibori va g‘amxo‘rligidan mamnun ekanliklarini bildirib, bunday uchrashuvlar ularning dardini eshitish va yechim topishda muhim ahamiyat kasb etishini aytishdi.

Mazkur tashrif aholi bilan ochiq muloqotni kuchaytirish, ijtimoiy muammolarni o‘rganish va ularni bartaraf etishga qaratilgan muhim qadamlardan biri hisoblanadi.

Xalq deputatlari Buloqboshi tumani Kengashi

t.me/kengash_buloqboshi

https://www.facebook.com

Slide 1 of 2