Xalq deputatlari tuman Kengashi deputati U.Omonqul tomonidan mahallada sayyor uchrashuv o‘tkazildi. Mazkur uchrashuvda mahalla “yettiligi”, mahalla oqsoqollari, faollar hamda tegishli mutasaddilar ishtirok etdi.

Uchrashuv davomida hududdagi ijtimoiy-iqtisodiy holat, aholining muammolari va ularning yechimlari yuzasidan ochiq muloqot tashkil etildi. Shuningdek, mahallada faoliyat yuritayotgan ijtimoiy xodim hamda yoshlar yetakchisining ish faoliyati atroflicha o‘rganildi.

O‘rganish jarayonida ayrim kamchilik va muammolar aniqlanib, xususan, ijtimoiy xodimning samarali faoliyat olib borishi uchun zarur texnik vositalar, jumladan kompyuter jamlanmasiga ehtiyoj mavjudligi qayd etildi. Mazkur holat xizmat vazifalarini to‘liq va sifatli bajarishda muayyan qiyinchiliklar tug‘dirayotgani ta’kidlandi.

Uchrashuv yakunida aniqlangan muammolarni bartaraf etish, ijtimoiy soha xodimlari faoliyatini qo‘llab-quvvatlash hamda yoshlar bilan ishlash samaradorligini oshirish yuzasidan aniq chora-tadbirlar belgilab olindi.

Ijtimoiy xodimning samarali faoliyat olib borishi uchun zarur texnik vositalar, kompyuter jamlanmasi bilan ta'minlash bo'yicha taklif kiritilishi ta'kidlandi