Tuman Kengashi deputati P.Tojiboyev hamda Kengash kotibiyat mudiri M.G'oibnazarovlar tomonidan “Aholining sanitariya-epidemiologik osoyishtaligi to‘g‘risida”gi O‘zbekiston Respublikasi (O‘RQ-393-son) Qonunning tumandagi ijrosi yuzasidan monitoring va o‘rganish ishlari olib borildi.

Mazkur o‘rganishlar davomida qonunning 4-bobi — “Aholining sanitariya-epidemiologik osoyishtaligini ta’minlashga doir talablar” hamda 36-moddasi — “Fuqarolarni gigiyenik o‘qitish va tarbiyalash” bo‘yicha amalga oshirilayotgan ishlar alohida e’tiborga olindi.

Jumladan, fuqarolar o‘rtasida sanitariya-gigiyena qoidalariga rioya etish, sog‘lom turmush tarzini shakllantirish, yuqumli kasalliklarning oldini olishga qaratilgan targ‘ibot ishlari, tushuntirish tadbirlari va o‘quv mashg‘ulotlarining holati o‘rganildi. Asosiy e’tibor hududlarda chiqindilarni o‘z vaqtida olib ketilayotganiga qaratildi.

Monitoring natijalariga ko‘ra, ayrim tashkilot va muassasalarda gigiyenik o‘qitish va tarbiyalash ishlarini yanada kuchaytirish zarurligi aniqlandi. Shu bilan birga, aholining sanitariya madaniyatini oshirish, profilaktik chora-tadbirlarni tizimli ravishda tashkil etish va tuman Kengashi deputatlari bilan birgalikda aholi o‘rtasida targ‘ibot tadbirlarini o‘tkazish yuzasidan tegishli tavsiyalar berildi.