Mehnat, Temirxo‘ja va Bobur mahallalarida tozalik va obodonlashtirish ishlari yuzasidan olib borilgan monitoring davomida bir qator muhim holatlar aniqlandi.

Hududdagi maktablar, maktabgacha ta’lim muassasalari, tibbiyot maskanlari hamda boshqa ijtimoiy obyektlarda chiqindilarni yig‘ish va olib chiqib ketish tizimi o‘rganildi. Ayrim joylarda tozalik yaxshi yo‘lga qo‘yilgani quvonarli. Biroq, ba’zi hududlarda chiqindilar o‘z vaqtida olib chiqilmayotgani, to‘planib qolayotgan holatlar ham kuzatildi.

Aniqlangan kamchiliklarni bartaraf etish maqsadida “Toza hudud” DUKga deputatlik so‘rovi yuborildi. Unda chiqindilarni o‘z vaqtida olib chiqish tizimini takomillashtirish, nazoratni kuchaytirish hamda mavjud muammolarni tezkor bartaraf etish yuzasidan aniq vazifalar belgilandi.

Hududlarimiz tozaligi – barchamizning umumiy mas’uliyatimiz. Bu boradagi ishlar izchil davom ettiriladi.