Murojaatlar e’tiborsiz qolmaydi: Deputat joyiga chiqib o‘rgandi 

Saylovoldi va’dalar va fuqarolarning ishonchi -amaliy ishlarga tayanadi.  

Avvalroq xabar berganimizdek, 12-Saydobod saylov okrugi deputati N.
Ubaydullayeva "Saydobod" MFYda o‘tkazgan qabuli davomida aholi
tomonidan bir qator muammolar ko‘tarilgan edi. 

Mahalladagi qabriston yaqinida joylashgan "Yoshlar bog‘ini"
boshqa qulayroq joyga ko‘chirish masalasi deputat tomonidan bevosita joyiga
chiqqan holda ko‘zdan kechirildi. 

O‘rganish natijasida mazkur hududning joylashuvi va aholining fikrlari
inobatga olinib, haqiqatan ham bog‘ni boshqa qulayroq manzilga ko‘chirish zarur
degan to‘xtamga kelindi. 

"Bog‘ nafaqat nomi bilan, balki mazmunan ham yoshlarimiz uchun qulay
va munosib maskanda bo‘lishi kerak,"-deb ta’kidladi xalq vakili. 

Ushbu masala tegishli soha mutaxassislari bilan atroflicha o‘rganib
chiqilishi ma’lum qilindi. Ijro jarayoni deputatlik nazoratida davom etadi.